პირველი პრეზიდენტის ვაჟზე თავდამსხმელი პირების მიერ გავრცელებული ვერსიის, რომლის თანახმადაც დაპირისპირება ცოტნე გამსახურდიასა და ბრალდებულებს შორის სუფრაზე ღვინის ხარისხთან დაკავშირებით გაჩენილი აზრთა სხვადასხვაობის გამო მოხდა, არ სჯერა ცოტნე გამსახურდიას მეუღლეს. ანა ჯაბაურს მიაჩნია, რომ ვერსიებში ცოტა აბსურდული და არაკორექტული რაღაცები წერია:
“სიმართლე გითხრათ, მე ის ვიცი, რომ გავედი ცოტა ხანში, ცოტნეს ნივთები ეყარა ჭიშკართან, სისხლი ესხა ჭიშკართან. თუ სუფრაზე იჩხუბეს, ჭიშკართან როგორ მოხდა?! მე როგორც ვფიქრობ, მას ჭიშკართან დახვდნენ ეს ადამიანები.
ბრალდებულთა ვერსიებში ისეთი რაღაცეები წერია, ცოტა აბსურდული და ცოტა არაკორექტულიც, არასწორიც.
პეტრე ყუფარაძე არის ცოტნეს ძალიან ახლო მეგობარი, არაჩვეულებრივი პიროვნება პეტრე გამორიცხულია, რომ თავდასხმის მონაწილე ყოფილიყო,” – აცხადებს ანა ჯაბაური.