რონდელის ფონდის მკვლევარი, აღმოსავლეთმცოდნე, ისტორიის მეცნიერებათა დოქტორი, ზურაბ ბატიაშვილი ისრაელ-პალესტინის ომთან დაკავშირებით მნიშვნელოვან ინფორმაციებს აქვეყნებს 14 ოქტომბრის მდგომარეობით:
“რა ხდება ისრაელ-პალესტინის ომში ამ მომენტისთვის?
– 24 საათიანი ვადის ამოწურვის მიუხედავად ისრაელს ჯერ ისევ არ დაუწყია სახმელეთო ოპერაცია ღაზას სექტორში;
– ღაზას სექტორის ჩრდილოეთ ნაწილში მცხოვრები მოსახლეობა მიემართება სამხრეთისკენ. ადგილნაცვალ პირთა რაოდენობა ასეულ ათასობითაა;
– “ჰამასი” განაგრძობს ისრაელის, ისრაელი კი ღაზას სექტორის დაბომბვას;
– შეტაკებები ხდება ისრაელ-ლიბანის საზღვარზე ისრაელ სამხედროებსა და “ჰესბოლას” მებრძოლებს შორის;
– ეგვიპტე კვლავ უარს ამბობს გახსნას ღაზასთან დამაკავშირებელი სასაზღვრო-გამშვები პუნქტი;
– “ჰამასის” ხელში კვლავ რჩებიან მძევლად აყვანილი ადამიანები;
– შეტაკებებია მდ. იორდანეს დასავლეთ სანაპიროზე (პალესტინის ტერიტორია, რომელსაც “ფათჰი” აკონტროლებს). აქ მსხვერპლი 44 ადამიანია;
– ზოგადად, სწრაფად იზრდება მსხვერპლი ორივე მხარეს. ისრაელის მხარეს გარდაცვლილია 1 400-ზე მეტი ადამიანი, 3 418 კი დაჭრილია, ღაზას სექტორში – 2 215 (პლიუს ბრძოლებში დახოცილი “ჰამასელები”) და დაჭრილია 8 714 ადამიანი.
განახლებულ ინფორმაციას მომავალშიც შემოგთავაზებთ“, – წერს ფეისბუქის პირად გვერდზე ზურაბ ბატიაშვილი.
