“გამარჯვების კოალიციის” ლიდერები გიორგი ვაშაძე, თინა ბოკუჩავა და ზურაბ ჭიაბერაშვილი სამუშაო ვიზიტით საფრანგეთის დედაქალაქში, პარიზში იმყოფებიან. სამუშაო ვიზიტის პირველ დღეს დელეგაციის წევრებმა შეხვედრა საფრანგეთის ეროვნულ ასამბლეაში, მმართველი პარტიის, „რენესანსის“ დეპუტატთან, ბენჟამინ ჰადადდთან გამართეს.
მხარეებმა შეხვედრაზე საქართველოში რეფორმებისა და 12 რეკომენდაციის შესრულების პროცესი, ორმხრივი თანამშრომლობისა და ნატოსა და ევროკავშირში ინტეგრაციის საკითხები განიხილეს. ასევე იმსჯელეს ემანუელ მაკრონის პარტიასა და „გამარჯვების კოალაციას“ შორის შემდგომი თანამშრომლობის გაღრმავების საკითხებზე.
შეხვედრის ბოლოს გიორგი ვაშაძემ ბენჟამინ ჰადადს საქართველოს მხარსაჭერისთვის მადლობა გადაუხადა და განაცხადა, რომ საქართველოს ადგილი ევროკავშირსა და ნატოშია, რაც საქართველოს უსაფრთხოებისა და კეთილდღეობის გარანტს წარმოადგენს.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” საზოგადოებასთან ურთიერთობის სამსახური ავრცელებს
