“ჰამასის” თავდასხმას ისრაელმა საპასუხო ზომებით უპასუხა და რეგიონში ფაქტიურად ფარტომასშტაბიანი საომარი ვითარება შეიქმნა. მიმდინარე პროცესებთან შეფასება-განმარტებებს აკეთებს რონდელის ფონდის მკვლევარი, აღმოსავლეთმცოდნე, ისტორიის მეცნიერებათა დოქტორი, ზურაბ ბატიაშვილი:
“რა ხდება ისრაელ-პალესტინის კონფლიქტში ამ მომენტისთვის?
– ისრაელმა დაიწყო იმ დასახლებულ პუნქტებზე კონტროლის აღდგენა, რომელიც გუშინ დაიკავა ღაზას სექტორიდან გამოსულმა “ჰამასმა”;
– ისრაელი აგრძელებს ღაზას სექტორში არსებული სამიზნეების განადგურებას;
– ისრაელი აცხადებს, რომ გაანადგურეს “ჰამასის” 400-ზე მეტი მებრძოლი;
– ისრაელმა დაიწყო რეზერვის გამოძახება;
– ლიბანში მოქმედმა პროირანულმა “ჰეზბოლამ” დაიწყო ისრაელის ჩრდილოეთ ტერიტორიების დაბომბვა (“ჰეზბოლა” “ჰამასთან” შედარებით, გაცილებით სერიოზული სამხედრო ძალაა);
– “ჰეზბოლას” საბრძოლი მოქმედებებში ჩართვა ზრდის კონფლიქტის ინტერნაციონალიზაციის და ომში სხვა აქტორების ჩართვის საფრთხეს;
– ღაზას სექტორში “ჰამასის” ტყვეობაში რჩება ისრაელის ათობით სამხედრო და სამოქალაქო პირი (მათ შორის, ქალები და ბავშვები);
– ისრაელის მხარეს დაღუპულია 300-ზე მეტი ადამიანი, 1864 კი დაჭრილია;
– ღაზაში დაიღუპა 313 და დაჭრილია 1990 ადამიანი;
ბრძოლები ამ მომენტისთვისაც გრძელდება და განახლებულ ინფორმაციებს მომავალშიც შემოგთავაზებთ“, – წერს ფეისბუქის პირად გვერდზე ზურაბ ბატიაშვილი.