“იცოდით, რამდენი პენსიონერი არის სოციალურად დაუცველის სტატუსის მქონე?” – თეონა ჭალიძე

,,სტრატეგია აღმაშენებლის” პოლიტიკური საბჭოს წევრი, სოციალური მიმართულების ხელმძღვანელი, თეონა ჭალიძე ქვეყანაში არსებულ სოციალურ პრობლემებთან დაკავშირებით კონკრეტული შეკითხვებით მიმართავს ფინანსთა მინისტრის პირველ მოადგილეს, გიორგი კაკაურიძეს:

,,იცოდით თუ არა, რამდენი პენსიონერი არის სოციალურად დაუცველის სტატუსის მქონე? უბრალოდ მიპასუხეთ ამ კითხვაზე იმიტომ, რომ მნიშვნელოვანია თქვენ ამის შესახებ ინფორმაცია გქონდათ თუ არა?

მე ვარ თეონა ჭალიძე ,,სტრატეგია აღმაშენებლის” სოციალური მიმართულების ხელმძღვანელი და ყოველდღიური შეხება მაქვს პენსიონერებთან – იმ ადამიანებთან, რომელთა ხმაც, რატომღაც, თქვენ არ გესმით.

მიუხედავად იმისა, რომ ოპოზიციის დიდი ნაწილი თქვენთან თანხმობას აცხადებდა იმაზე, რომ ცვლილებებისთვის მხარი დაეჭირა, ისნის რაიონში და არა მარტო, თქვენ რატომღაც არ გაითვალისწინეთ ის, რომ 400 000-ზე მეტ ადამიანს, პენსიონერს აქვს ძალიან მაღალ პროცენტში აღებული სესხი. ამ სესხის ყოველთვიური მაღალი პროცენტის გადახდის გამო მათ ფიზიკურად თვიდან თვემდე თავის გატანა უჭირთ.

მე მინდა გთხოვოთ, უბრალოდ წარმოიდგინეთ ამ ადამიანების მდგომარეობა“, – განაცხადა თეონა ჭალიძემ.

ავტორი
ნინი ხიჯაკაძე