“ქართული ოცნების” თავმჯდომარის ბიძინა ივანიშვილის მიერ დაანონსებული დაჭერების სერიის აღსრულებად მიიჩნევს გიგა ბოკერია, მის დაბარებას პროკურატურაში. “ევროპული საქართველოს” ერთ-ერთი ლიდერი “რუსთავი 2” ჟურნალისტთან ინტერვიუში აღნიშნავს, რომ ბიძინა ივანიშვილს მძიმედ დაუბრუნდება ყოველივე ეს:
“ეს არის ძველი საქმე, რომელზეც 5 წელია ან უფრო მეტია, აღარ შევუწუხებივარ, არ გახსენებიათ, ახლა გაახსენდათ, ამ კონკრეტულ, პოლიტიკურ მომენტში. ეს არის ძველი, უშიშროების საბჭოს საქმიანობის გამოძიება, თუ გახსოვთ ივანიშვილის საჯაროდაც საუბრობდა მაშინ, საჯაროდ იმუქრებოდა და მაშინ დამკითხეს ამაზე ვრცლად, უშიშროების საბჭოს საქმიანობაზე და ჩემს მაშინდელ გადაწყვეტილებებზე.
ჩვენ გვახსოვს, რომ ივანიშვილმა თქვა თავის ინტერვიუში, დაანონსა დაჭერები. ახლა არ ვიცი, რამდენად შორს წავლენ, მაგრამ ბუნებრივია ლოგიკურია, ეს ამას ჰგავს.
საერთო ვითარება არის აგონიის, ამ სამარცხვინო ლიდერის, რომელსაც აქვს ილუზია, რომ ბრალის წაყენებით, ან დაკავებით გადაწყვეტს ამ პრობლემას, რომელიც მას აქვს.
ეს არის დიდი შეცდომა მისთვის და ძალიან მძიმედ დაუმთავრდება მას,” – აღნიშნა გიგა ბოკერიამ.
