“ვინც ამ მარაზმის წინააღმდეგ ხმას არ იღებთ, ისტორიაში არც თუ ისე კარგად ეწერებით” – ირმა გიგანი კონსერვატორიასთან დაკავშირებით

თბილისის სახელმწიფო კონსერვატორიის საარჩევნო კომისიის მიერ გავრცელებული განცხადებიდან ცნობილი ხდება, რომ კულტურის მინისტრმა თეა წულუკიანმა, 10 ოქტომბრისთვის დანიშნული, კონსერვატორიის რექტორის არჩევნები გააუქმა. აღნიშნულ ფაქტს და კონსერვატორიასთან დაკავშირებით მიმდინარე პროცესებს ემოციური პოზიცია-შეფასებებით ეხმაურება ქართველი ხელოვანი, პიანისტი ირმა გიგანი:

“კონსერვატორიას ვკარგავთ, ამით იცოდეთ , რომ ქვეყანა კარგავს წამყვან სფეროს, საქართველო კარგავს საგანძურს, წლების ნაშრომ, აქამდე სიმწრით მოტანილს.

ისიც იცოდეთ – ვინც ამ მარაზმის წინააღმდეგ ხმას არ იღებთ, ისტორიაში არც თუ ისე კარგად ეწერებით.

და თან როგორ ჩანხართ ამ უსახო სიჩუმეში. და რა სიმახინჯეა ეს ყველაფერი“, – წერს ფეისბუქის პირად გვერდზე ირმა გიგანი.