საქართველოს სავალუტო ფონდის ფარგლებში არსებული პროგრამების მუშაობა შეჩერებულია. ამ და ეროვნულ ბანკში განვითარებულ მოვლენებთან დაკავშირებით, კომენტარი გააკეთა პარლამენტის პირველმა ვიცე-სპიკერმა, გიორგი ვოლსკიმ:
,,საფინანსო სექტორზე, კონკრეტულად, ეროვნულ ბანკზე შეტევა იყო აბსოლუტურად თვალხილული, თვალსაჩინო. ზუსტად ვიცოდით, რომ ეროვნული ბანკის სისტემის ჩამონგრევა იყო მთავარი ამოცანა, რომელსაც მიზნად ისახავდა კოლექტიური ,,ნაცმოძრაობა”. ამას ვერ მიაღწიეს. ახლა ამოქექეს ძველი თემა, რომელიც არ არის დაკავშირებული ბოლო პროცესებთან.
რასაკვირველია, არ არის სასიამოვნო, როდესაც ეს თანამშრომლობა არ ვითარდება, მაგრამ დარწმუნებული ვარ, როგორც განაცხადა ევროკავშირის წარმომადგენლებმა საქართველოში, უახლოეს პერიოდში ეს თანამშრომლობა აღდგენილი იქნება“, – განაცხადა გიორგი ვოლსკიმ.
ავტორი
ნინი ხიჯაკაძე
