„ევროკავშირში გაწევრიანებასთან ერთად სულ უფრო ახლოვდება საქართველოს ტერიტორიული მთლიანობის აღდგენის პროცესი“, – ამის შესახებ „სტრატეგია აღმაშენებლის“ თავმჯდომარემ, გიორგი ვაშაძემ განაცხადა და სოხუმის დაცემის დღესთან დაკავშირებით გმირთა მემორიალი გვირგვინით შეამკო.
როგორც ოპოზიციონერი ლიდერის აღნიშნავს, ევროკავშირში გაწევრიანების პარალელურად, ახლოვდება საქართველოს ოკუპირებული ტერიტორიების დაბრუნების პროცესი. მისივე თქმით, საქართველოს გამთლიანებისთვისა და ევროპული მომავლისთვის უმნიშვნელოვანია ქვეყანა ფარცხალაძის მცველებისგან გათავისუფლდეს:
„ევროკავშირში გაწევრიანებასთან ერთად სულ უფრო ახლოვდება საქართველოს ტერიტორიული მთლიანობის აღდგენის პროცესი, უბრალოდ სოხუმსა და ცხინვალში მცხოვრები ადამიანებისთვის ორი ალტერნატივა – ერთი მხრივ, რუსული პასპორტი, რომელიც სიკვდილთან და განადგურებასთან ასოცირდება, მეორე მხრივ, ქართულ-ევროპული პასპორტი, რომელიც განვითარებასთან და პერსპექტივასთან ასოცირდება.
აი, ეს არის გზა ტერიტორიული მთლიანობისთვის და ამიტომაც გვინდა ევროკავშირის წევრობა, რაც შეიძლება სწრაფად. როცა ამას შევძლებთ და დარწმუნებული ვარ, რომ ამას გავაკეთებთ, ამ გმირების სულები იქნება უკვდავყოფილი სამუდამოდ ჩვენს ისტორიაში. მაშინ მათი სულები ნამდვილად ჩათვლიან და მთელი საქართველო ჩათვლის, რომ ტყუილად არ ყოფილა მათი თავგანწირვა, რომელიც მათ გამოიჩინეს.
აი, ეს არის გზა, რომელიც ჩვენ უნდა ავირჩიოთ, მაგრამ ამისთვის ძალიან მნიშვნელოვანია რუსი ჯაშუში ფარცხალაძის მცველებისგან გავათავისუფლოთ ქვეყანა, ამის შემდგომ ევროკავშირი და ტერიტორიული მთლიანობა, ეს არის გზა, რომელსაც ჩვენ ყველანი ერთად გავივლით“, – განაცხადა ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” საზოგადოებასთან ურთიერთობის სამსახური ავრცელებს