„გამარჯვების პლატფორმის“ ფარგლებში, „სტრატეგია აღმაშენებლის“ თავმჯდომარემ, გიორგი ვაშაძემ და „ერთიანი ნაციონალური მოძრაობის“ თავმჯდომარემ ლევან ხაბეიშვილმა პენსიონერების საინიციატივო ჯგუფთან პარლამენტში შეხვედრა გამართეს.
შეხვედრის მთავარ საკითხს 350 000- მდე პენსიონერისთვის საპენსიო სესხის გაუქმება და საპენსიო ასაკის დაწევა წარმოადგენდა.
„გამარჯვების პლატფორმის“ ერთ-ერთი ლიდერის, გიორგი ვაშაძის თქმით, სწორედ ამ თემების გარშემო 30 სექტემბერს „I პენსიონერთა ფორუმი“ გაიმართება, სადაც მიღებული გადაწყვეტილებები მოქალაქეებს საჯაროდ ეცნობება:
“შაბათს, 11 საათზე, გაიმართება პირველი პენსიონერთა ფორუმი, სადაც იქნება კონკრეტული საკითხები დაყენებული, რომელიც პენსიონერებს აწუხებს.
ეს მოთხოვნები ეხება საპენსიო სესხს, ჩამოიწეროს და ამის რესურსი ბიუჯეტში არის და მეორე მამაკაცებისთვის დაიწიოს საპენსიო ასაკმა“, – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” საზოგადოებასთან ურთიერთობის სამსახური ავრცელებს