მოძრაობა ,,ჯიუტის’’ წევრი, სამოქალაქო აქტივისტი ლაშა ჯანჯღავა სააგენტო ,,პარალელთან’’ კომენტარს აკეთებს საქართველოს ყოფილი მთავარი პროკურორის, ოთარ ფარცხალაძის სანქცირების საკითხსა და გუშინ, პარლამენტთან მიმდინარე საპროტესტო აქციასთან დაკავშირებით:
,,ოთარ ფარცხალაძე – პირი, რომელიც ჯერ იყო ნასამართლევი ბოტასის ქურდობისთვის გერმანიაში, შემდეგ – გენერალური პროკურორი გახდა საქართველოში. ახლა უკვე დაზუსტებით ვიცით, რომ არის ,,ეფესბე’’-ს აგენტი. ესეთ ადამიანს, რა თქმა უნდა, არ უნდა ჰქონდეს საქართველოს მოქალაქეობა.
მას შემდეგ, რაც აშშ-მ დაუწესა სანქცია, საქართველოს ეროვნულ ბანკს უნდა შეესრულებინა ვალდებულება, თუმცა მან უარი თქვა და ფარცხალაძის მხარე დაიჭირა. პირველ რიგში, დღევანდელი ჩემი პროტესტი მიემართება იმისკენ, რომ საქართველოში არ ჰქონდეს რუსებისა და ,,ეფესბე“ -ს აგენტებს მხარდაჭერა. მეორე ის, რომ გუშინ, ფოტო დადო ადამიანმა, რომელიც არის რუსეთთან დაახლოებული პირი. ჩვენი პარლამენტის დარბაზში სკამზე იჯდა და იქიდან აფიქსირებდა საკუთარ პოზიციას, რაც არის ამაზრზენი.
ესეც უნდა გავაპროტესტოთ და რეალურად, ყველაფერი უნდა გავაპროტესტოთ! ეს მთავრობაც უნდა მოვიშოროთ, ვინაიდან თავიდან ბოლომდე აკეთებს რუსულ საქმეს! ყოველ წამს გამოჩნდება პატარ-პატარა ფაქტები, რომლებიც გასაპროტესტებელი იქნება, სანამ ერთიანად არ მოვიშორებთ ამ მთავრობას!’’ , – განაცხადა ლაშა ჯანჯღავამ.
ავტორი
მარიამ ხაჩირაშვილი
