ვინც არ უნდა აირჩიონ უზენაესი სასამართლოს თავმჯდომარედ და გენერალურ პროკურორად, ეს იქნება დროებითი, მაქსიმუმ 10-11 თვით, – ამის შესახებ ჟურნალისტებს „ახალი საქართველოს“ თავმჯდომარემ განუცხადა. გიორგი ვაშაძის აზრით, როგორც კი „ქართული ოცნება“ დამარცხდება, მყისიერად გამოიცვლება ორივე კანდიდატურა:
„სრულიად სხვა ტიპის სასამართლო და პროკურატურა უნდა ავაწყოთ. ყველას, ვისაც პოლიტიკასთან შეხება ჰქონია, უნდა აეკრძალოთ პროკურორის პოზიციაზე გამწესება.
გუშინდელი დღე იყო საქართველოს ისტორიის სირცხვილი, სწორედ იმ ფეკალიების სუნი აუვიდა „ქართულ ოცნებას“, რომელი ფეკალიებითაც ყარდა საპარლამენტო დარბაზი და ამ ფეკალიებით ამყრალებულ „ოცნებას“, ჭკუას ვერ მოვკითხავთ“, – განაცხადა გიორგი ვაშაძემ.
