ხუთშაბათი, ივნისი 20, 2024

ეფესბეს აგენტი ოთარ ფარცხალაძე არის ივანიშვილის ნების გამტარი და “მომგვარებელი” სისტემისთვის მნიშვნელოვან საქმეებში – ნიკა გვარამია

აშშ-ს მიერ საქართველოს ყოფილი მთავარი პროკურორის, ოთარ ფარცხალაძისთვის სანქციის დაწესებას ეხმაურება “მთავარი არხის” დამფუძნებელი ნიკა გვარამია და კონკრეტულ განმარტებებთან ერთად საყურადღებო მინიშნებებსაც აკეთებს:

მასშტაბის სრულფასოვანი გააზრებისთვის: ორგანიზებული კრიმინალური ბანდის ლიდერი და ეფესბეს აგენტი ოთარ ფარცხალაძე არის სასამართლოს და პროკურატურის ე.წ. მაყურებელი. მის მიერ ნაწილდება შავი ფული მოსამართლეებისა და პროკურორების არაფორმალური ხელფასებისთვის (რასაც სასამართლოში ჩინჩალაძე და პროკურატურაში შოთაძე ანაწილებს), ის არის ივანიშვილის ნების გამტარი და “მომგვარებელი” სისტემისთვის მნიშვნელოვან საქმეებში (პირველ რიგში, სისხლის სამართლის და ფინანსურ დავებში).
ასეა დღემდე, ამ წუთამდე, როცა ამ სტატუსს ვწერ…

ფარცხალაძის დასანქცირებაზე ფართომასშტაბიანი ზიანი “ქართულ ოცნებას” ჯერ არ მიუღია, ფაქტიურად. საინფორმაციო ბომბი გასკდა ქვეყანაში. გამოვიდა მთავრობა, სრულიად უსუსრი და გაუბედურებული. გადმოაგდო რაღაც პოპულისტური “საინფორმაციო ხლაპუშკები” და დაასრულა ეთერი.

და რა? გადაერთო ნახევარი ჩვენგანი ამ საკითხების სრული სერიოზულობით განხილვაზე. მოწონება, კრიტიკა, ძაგება – ნებისმიერი ფორმით ამ სულელურ დისკუსიაში შესვლა არის “ოცნების” პროპაგანდის ამოცანის (გადაიტანოს ფოკუსი მისი უმძიმესი მარცხიდან) შესრულებაში თანამონაწილეობა.

ნამდვილად პათოლოგიური მიზიდულობა და ადიქცია გვაქვს “ოცნების” იდიოტიზმების მიმართ და მათი დღის წესრიგით სიარულზე მეტად არაფერი გვემარტივება და გვეხალისება.
არა, არა…“, – წერს ფეისბუქის პირად გვერდზე ნიკა გვარამია.

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული