საქართველოს პარლამენტის წევრი, პარტია ,,ლელოს” პოლიტიკური მდივანი, სალომე სამადაშვილი ჟურნალისტებთან პოლიტიკურ შეფასებას აკეთებს, თუ რატომ არის მნიშვნელოვანი პრემიერის იმპიჩმენტის პროცედურა იმ ფონზე, როდესაც ქვეყნის ევროინტეგრაციის პროცესი მიმდინარეობს:
,,ქართული ოცნება” თვითონ უნდა აყენებდეს კორუმპირებულ პრემიერ-მინისტრს, მაგრამ როგორც ჩანს, ძალიან სერიოზულად მფარველობს ღარიბაშვილს რუსეთი. იმიტომ, რომ ის ასრულებს იმ დავალებებს, რასაც იღებს რუსეთიდან და ამიტომ არის ხელშეუხებელი.
სხვა ახსნა ღარიბაშვილის დატოვებას პრემიერ-მინისტრის პოსტზე, ჩვენს ქვეყანაში, დღევანდელ ვითარებაში, არ აქვს.
როდესაც ევროკავშირის მთავარი მოთხოვნა არის კორუფციასთან ბრძოლა, როდესაც ევროკავშირი შენ ცალსახად გეუბნება, რომ ,,შენი ხელისუფლება მოთხოვნებს არ ასრულებს“, სწორედ ოპოზიციის ვალდებულებაა, ამ ვითარებაში, დემონსტრაცია გაუკეთოს იმას, რომ ჩვენ ძალიან სერიოზულად ვებრძვით კორუფციას და ამისთვის არის მნიშვნელოვანი იმპიჩმენტის პროცედურა“, – განაცხადა სალომე სამადაშვილმა.
ავტორი
ნინი ხიჯაკაძე
