აშშ-ს სენატის საგარეო ურთიერთობათა კომიტეტის მრჩეველი, კრის სოჩა ოპოზიციონერ ლიდერებს შეხვდა. სხდომის დასრულების შემდეგ ჟურნალისტებთან კომენტარი გააკეთა ,,სტრატეგია აღმაშენებლის” თავმჯდომარემ, გიორგი ვაშაძემ:
,,ბატონი სოჩა არის ადამიანი, რომელიც ძალიან აქტიურად თვალს ადევნებს საქართველოში მიმდინარე მოვლენებს. მის სიტყვას და პოზიციას დიდი გავლენა აქვს აშშ-ში.
პირველი – ამერიკა, რა თქმა უნდა, მხარს უჭერს ქართველ ხალხს. ვერაფრით ვერ გაქარწყლდება სტრატეგიული პარტნიორობა აშშ-თან, რაც არ უნდა ხელს აწერდეს ,,ქოცობა” ჩინეთთან თუ სხვასთან რაიმე დოკუმენტებს.
მეორე მნიშვნელოვანი საკითხი – ეს იყო დახურული შეხვედრა, ყველა დეტალზე ვერ ვისაუბრებ, მაგრამ ღიად გეუბნებით, კონკრეტულ ქმედით ნაბიჯებს უნდა ველოდეთ ჩვენი ამერიკელი პარტნიორების მხრიდან საქართველოსთან მიმართებაში.
სანქციების თემა იყო განხილვის საგანი. მეტს ვერ გეტყვით ამ საკითხთან დაკავშირებით…“, – განაცხადა გიორგი ვაშაძემ.
ავტორი
ნინი ხიჯაკაძე
