საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯვალაძე პოლიტიკურ შეფასებას აკეთებს რუსეთის უშიშროების საბჭოს თავმჯდომარის მოადგილის, დიმიტრი მედვედევის ინტერვიუზე, რომელიც რუსულ გამოცემა “არგუმენტი ი ფაქტი”-ს მისცა, სადაც მწვავე შეფასებები გააკეთა საქართველოსთან დაკავშირებით:
,,ჯერ ერთი, რუსეთს არანაირი ომის წამოწყების, მეორე ფრონტის გახსნის რესურსი არ აქვს. იმიტომ, რომ იმ ტერიტორიებსაც ვერ იცავს, რომელიც თავის სუვერენულ ტერიტორიად აქვს გამოცხადებული. იცით, ზაპოროჟიეში წინ მიიწევს უკრაინული ძალები – ჯერ ერთი.
მეორე, დღეს ომი საქართველოში არ არის არა კუდის ქიცინის გამო, რომელსაც ,,ქართული ოცნება” ახორციელებს, არამედ იმის გამო, რომ რუსული ჯარი, რომელიც აპირებდა საბჭოთა კავშირის აღდგენას, დაიმსხვრა უკრაინასთან – კიევთან, ბუჩასთან, ირპენთან.
უკრაინელებმა შეაჩერეს პუტინის ოცნება იმპერიის აღდგენაზე და არა ღარიბაშვილის და კობახიძის კუდის ქიცინმა“, – განაცხადა პაატა მანჯგალაძემ.
ავტორი
ნინი ხიჯაკაძე
