“იკვეთება კონკრეტული მაღალი თანამდებობის პირების სისხლის სამართლის პასუხისმგებლობა და ეს ყველაფერი იწყება ირაკლი ღარიბაშვილისგან” – ლევან ხაბეიშვილი

,,ერთიანი ნაციონალური მოძრაობის” თავმჯდომარე, ,,გამარჯვების პლატფორმის” ლიდერი, ლევან ხაბეიშვილი პარტიის ოფისში გამართულ საგანგებო ბრიფინგზე განცხადებას აკეთებს რაჭაში, შოვში მომხდარ სტიქიურ უბედურებასთან დაკავშირებით მომზადებულ შუალედურ ანგარიშზე, სადაც საუბარია, თუ როგორ მიმდინარეობდა სტიქიური უბედურების, ტრაგედიის ზონაში მოვლენები:

,,3 აგვისტოს ტრაგედიის პასუხად ქართველ ხალხს შერჩა მხოლოდ რუსული პროპაგანდა და პოლიტიკური გადაძახილები. ჩვენი ხალხი, ჩვენი მოქალაქეები იმსახურებენ პასუხს ხელისუფლების მხრიდან, შოვის ტრაგედიასთან დაკავშირებით.

ამ შუალედური დასკვნითაც კი, სადაც ძალიან ბევრი ინფორმაცია და მტკიცებულებაა, იკვეთება კონკრეტული მაღალი თანამდებობის პირების გულგრილობა, რასაც შეეწირნენ საქართველოს მოქალაქეები.

იკვეთება კონკრეტული მაღალი თანამდებობის პირების სისხლის სამართლის პასუხისმგებლობა და ეს ყველაფერი, ცხადია, იწყება ირაკლი ღარიბაშვილისგან“, – განაცხადა ლევან ხაბეიშვილმა.

ავტორი
ნინი ხიჯაკაძე