“მთავრობის პოლიტიკა გახლავთ, რომ მშვიდობიანი გზით მოხდეს ამ ოკუპაციის და ანექსიის შედეგად გაყოფილ, საქართველოს ორ მხარეს შორის ურთიერთობის აღდგენა” – ირაკლი ქადაგიშვილი

შვეიცარიის მთავრობის გადაწყვეტილებით, საქართველოს ოკუპირებულ ტერიტორიებზე მცხოვრები მოქალაქეები, რომლებიც რუსული პასპორტებით სარგებლობენ, ვერ შეძლებენ შენგენის ზონაში, კერძოდ შვეიცარიის ტერიტორიაზე გადაადგილებას. აღნიშნულ თემაზე განცხადება გააკეთა პარლამენტის საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა:

,,შენგენის ზონას არც თავის დროზე არ უნდა ჰქონოდა ეს პოლიტიკა, რომ ოკუპირებულ ტერიტორიებზე მცხოვრები პირებისთვის გაცემული რუსული პასპორტებით, მათ სარგებლობის საშუალება ჰქონოდათ შენგენის ზონაში.

მთავრობის და სახელმწიფოს პოლიტიკა გახლავთ, რომ მშვიდობიანი, მაქსიმალური, ასე ვთქვათ, დაახლოების, ხელშეწყობის გზით მოხდეს ამ ოკუპაციის და ანექსიის შედეგად გაყოფილ, საქართველოს ორ მხარეს შორის ურთიერთობის აღდგენა.

ბევრი უკვე სარგებლობს საქართველოს პასპორტებით. ალბათ, შესაბამისი კანონის ფარგლებში, ჩვენ ყოველთვის მზად ვიქნებით, რომ ოკუპირებულ ტერიტორიებზე მცხოვრებმა ჩვენმა თანამოქალაქეებმა, საქართველოს პასპორტი აიღონ“, – განაცხადა ირაკლი ქადაგიშვილმა.

ავტორი
ნინი ხიჯაკაძე