“ძალიან მიჭირს იმის დაჯერება, რომ ქართული პოლიცია რუსული ხელისუფლების მოჯამაგირეობას არ თაკილობს” – ლელა ჯეჯელავა

ბათუმში მიმდინარე პროცესებს, რუსული საკრუიზო ლაინერის შემოსვლის გაპროტესტებას და პოლიციის მხრიდან მომიტინგეების მიმართ დამოკიდებულებას მწვავე, ემოციური შეფასებებით ეხმაურება “ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა:

“ძალიან მიჭირს იმის დაჯერება, რომ ქართული პოლიცია რუსული ხელისუფლების მოჯამაგირეობას არ თაკილობს. საკუთარი სახელმწიფოს ინტერესების ნაცვლად რუსეთის სახელმწიფო ინტერესების სადარაჯოზე დადგა. საკუთარი შვილების მომავალი ერთი მუჭა კოლაბორანტების ინტერესებზე გაცვალა.

მაინც მგონია, რომ გადამწყვეტ მომენტში ზურგს აქცევენ რუსულ მთავრობას და საკუთარი შვილების დასაცავად ისინიც ქართველი ხალხის გვერდზე აღმოჩნდებიან. არა, კი არ მგონია, – მჯერა!“, – წერს ფეისბუქის პირად გვერდზე ლელა ჯეჯელავა.