,,სტრატეგია აღმაშენებლისა“ და ,,ერთიანი ნაციონალური მოძრაობის“ თავმჯდომარეები დღეს, ერთობლივ პრესკონფერენციას გამართავენ, სადაც ახალი პლატფორმის პრეზენტაციას წარადგენენ. თემასთან დაკავშირებით განცხადება გააკეთა ,,სტრატეგია აღმაშენებლის“ პოლიტიკური საბჭოს წევრმა, სერგო ჩიხლაძემ:
,,სტრატეგია აღმაშენებელი“ და ,,ნაციონალური მოძრაობა“ – ეს ორი პარტია იქნება ამ ახალი პლატფორმის ბაზისი. ადამიანები, ცალკეული ინდივიდუალური პირები და ა.შ. ეს მომავალი თვეების განმავლობაში გამოჩნდება, ვინ შემოუერთდება ამ ერთობას. დღეს, იქნება ოფიციალური განაცხადი. პირველი, საწყისი განაცხადი, რომელსაც პარტიების თავმჯდომარეები გააკეთებენ.
სხვა პარტიებთან ამ თემაზე კონსულტაციები აღარ გვაქვს. კონსულტაციები დასრულებულია და თუ რომელიმე პროდასავლური პარტია მოიფიქრებს, სურვილი ექნება ამ დიდი პლატფორმის წევრი გახდეს, რა თქმა უნდა, ყველა პროდასავლური ადამიანისა თუ პარტიისთვის ეს ღიაა.
სულ 5-6 პარტიაა პროდასავლურ ფრონტზე და ყველამ თავისი პოზიცია უკვე განაცხადა. ამიტომ კალთების დახევას არცერთზე არ ვაპირებთ.
გახარიასთან არც გვქონია ამ თემაზე კონსულტაცია. ,,ლელომ“ უარი განაცხადა.
დღევანდელ პრესკონფერენციაზე ისინი [,,დროა“, ,,გირჩი – მეტი თავისუფლება“] არ იქნებიან. ჩვენ მათთან ყოველდღიური კონტაქტი გვქონდა და გვაქვს. ასევე, დეტალურად არიან ინფორმირებული ჩვენს გეგმებზე. შესაბამისად, ისინი თავად მიიღებენ გადაწყვეტილებას. ამ ეტაპზე, ყოველ შემთხვევაში გაცხადებული აქვთ, რომ არ უერთდებიან ამ ერთობას“, – განაცხადა სერგო ჩიხლაძემ.
ავტორი
ნინი ხიჯაკაძე
