“პაციენტი უფრო მეტად ასრულებს ჩვენს რეკომენდაციებს და ჩვენ ეს ძალიან გვიხარია” – ზურაბ ჩხაიძე მიხეილ სააკაშვილზე

,,ვივამედის” კლინიკური დირექტორი, ზურაბ ჩხაიძე ჟურნალისტებთან კომენტარს აკეთებს პოლონელი ექიმების ვიზიტსა და საქართველოს მე-3 პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით:

,,გუშინწინ, ჩვენ შევხვდით პოლონელ კოლეგებს, რომლებიც იმყოფებოდნენ ვიზიტით ჩვენთან კლინიკაში. შეხვედრა იყო ძალიან საგნობრივი და კოლეგიალური. ჩვენ ერთობლივად განვიხილეთ პაციენტის ჯანმრთელობის საკითხები. ისინი გაეცნენ ავადმყოფობის ისტორიას, ნახეს ყველა კვლევა. სრულად დაეთანხმნენ ჩვენი მკურნალობის ტაქტიკას, ჩვენი კვლევების შედეგებს.

ერთადერთი რეკომენდაცია იყო გარკვეული პროცედურა, რომელიც ჩვენ შეთავაზებული გვქონდა ადრე პაციენტისთვის, რაზეც მაშინ უარი განაცხადა, ამ კვლევის ჩატარებაზე. ახალი კვლევები დაინიშნა – ლაბორატორიული თუ ინსტრუმენტალური კვლევები, მსგავსი საუბარი არ ყოფილა.

მე შემიძლია გითხრათ, რომ პაციენტი უფრო მეტად ასრულებს ჩვენს რეკომენდაციებს და ჩვენ ეს ძალიან გვიხარია. როდესაც პაციენტი ითვალისწინებს ჩვენ რეკომენდაციებს, შეიძლება არა სრულად, მაგრამ ყოველ შემთხვევაში, ბევრად უფრო უკეთესად – ეს მხოლოდ სასიხარულოა ჩენთვის”, – განაცხადა ზურაბ ჩხაიძემ.

ავტორი
ნინი ხიჯაკაძე