კვირა, მარტი 16, 2025
27.8 C
Tbilisi
spot_img
მთავარიკანონი და სამართალისპეციალურმა საგამოძიებო სამსახურმა მედიაომბუსდმენს და არასამთავრობო ორგანიზაციების წარმომადგენლებს...

სპეციალურმა საგამოძიებო სამსახურმა მედიაომბუსდმენს და არასამთავრობო ორგანიზაციების წარმომადგენლებს 7-9 მარტის აქციებთან დაკავშირებით მიმდინარე გამოძიების თაობაზე განახლებული ინფორმაცია მიაწოდა

სპეციალურმა საგამოძიებო სამსახურმა მედიაომბუდსმენის ინიციატივით, მედიის ადვოკატირების კოალიციის წევრ, არასამთავრობო ორგანიზაციების წარმომადგენლებთან ერთად სამუშაო შეხვედრა გამართა. შეხვედრის ერთ-ერთ მიზანს სამოქალაქო სექტორისთვის 7-9 მარტის აქციებთან დაკავშირებით მიმდინარე გამოძიების თაობაზე განახლებული ინფორმაციის მიწოდება წარმოადგენდა.

სპეციალურ საგამოძიებო სამსახურში, 2023 წლის 7-9 მარტს, ქ. თბილისში, საქართველოს პარლამენტის შენობის მიმდებარედ გამართულ საპროტესტო აქციების მონაწილეთა მიმართ განხორციელებული სამსახურებრივი უფლებამოსილების ძალადობით შესაძლო გადამეტების ფაქტზე გამოძიება საქართველოს სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით და 154-ე მუხლით გათვალისწინებული დანაშაულის ნიშნებით მიმდინარეობს.

2023 წლის 7-9 მარტს, აქციის მონაწილეების მიმართ სამართალდამცავი ორგანოს თანამშრომლების მხრიდან განხორციელებული შესაძლო კანონსაწინააღმდეგო ქმედებების თაობაზე, სხვადასხვა წყაროდან ჯამში 124 შეტყობინება შემოვიდა, რომელიც აქციის მონაწილეების და ცალკეული ჟურნალისტების უფლებების დარღვევას ეხებოდა.

გამოძიების შესწავლის საგანს ასევე მასმედიით გავრცელებული ვიდეოკადრების მონიტორინგის შედეგად სამსახურის მიერ გამოვლენილი სამართალდამცავი ორგანოს თანამშრომლების მხრიდან სხვადასხვა პირის მიმართ განხორციელებული ძალის შესაძლო გადამეტების ფაქტებიც წარმოადგენს.

სპეციალურმა საგამოძიებო სამსახურმა შემოსულ თითოეულ შეტყობინებაზე სწრაფი სამართლებრივი რეაგირება უზრუნველყო. გამოძიების დაწყებიდან დღემდე გამოკითხულია 142 მოქალაქე (მათ შორის 19 ჟურნალისტი და 24 პოლიციელი, რომელთა გამოკითხვებიც გრძელდება). 33 პოტენციურ მსხვერპლს სისხლის სამართლის საქმის მასალების გაცნობა შეეთავაზა, მათ შორის 8 ჟურნალისტს.

სსიპ ლევან სამხარაულის სახელობის სასამართლო ექსპერტიზის ეროვნულ ბიუროში სასამართლო სამედიცინო ექსპერტიზა 18 პირის მიმართ დაინიშნა.

მიმდინარე გამოძიების ფარგლებში შემთხვევის ადგილი 8 სხვადასხვა ლოკაციაზე დათვალიერდა, რა დროსაც იდენტიფიცირებული იქნა გამოძიებისათვის საინტერესო სამეთვალყურეო ვიდეოკამერები.

მომხდარი ფაქტობრივი გარემოებების დადგენის, სამართალდამცავების მიერ გამოყენებული ძალის შესაძლო გადამეტების საკითხის შესწავლის და ასევე გამოძიებისთვის საინტერესო ინდივიდუალურ ეპიზოდებში სპეციალური ეკიპირებით აღჭურვილი სამართალდამცავების იდენტიფიცირების და ამოსაცნობი ნიშნების დადგენის მიზნით, გამოძიების მიერ მოპოვებული იქნა საჯარო ინტერნეტ-სივრცეში არსებული სატელევიზიო გადაცემების ჩანაწერები, ასევე, სასამართლოს განჩინების საფუძველზე, საქართველოს პარლამენტიდან, შსს საზოგადოებრივი უსაფრთხოების მართვის ცენტრ – 112-დან, ქ. თბილისის მუნიციპალიტეტის მერიიდან და პარლამენტის შენობის მიმდებარედ განლაგებული სხვა საჯარო და კერძო დაწესებულებებიდან (საერთო ჯამში 43 ობიექტიდან, 7 კი – ტელევიზიიდან) გამოთხოვილი იქნა გამოძიებისთვის საინტერესო ვიდეოჩანაწერები, რომლებზეც ასახულია 7-9 მარტს რუსთაველის გამზირზე და მის მიმდებარე ტერიტორიაზე განვითარებული მოვლენები.

ამ ეტაპისთვის მოპოვებული ჩანაწერების ჯამური ხანგრძლივობა 4 200-ზე მეტ საათს შეადგენს. საგამოძიებო ჯგუფი აქტიურ რეჟიმში ახორციელებს მოპოვებული ვიდეომასალის დათვალიერებას.

სასამართლო განჩინების საფუძველზე, შინაგან საქმეთა სამინისტროს დროებითი მოთავსების უზრუნველყოფის დეპარტამენტიდან გამოთხოვილი იქნა აქციაზე დაკავებულ პირთა დაკავების ოქმები და სხვა დოკუმენტაცია; თბილისის საქალაქო სასამართლოდან მიმდინარეობს დაკავებულ აქციის მონაწილეთა მიმართ ადმინისტრაციული სამართალწარმოების მასალების გამოთხოვა.

გამოძიების მსვლელობისას სისხლის სამართლის საქმეზე დაემატა კვალიფიკაცია და გამოძიება სამსახურებრივი უფლებამოსილების ძალადობით გადამეტებასთან ერთად ჟურნალისტის პროფესიულ საქმიანობაში უკანონოდ ხელის შეშლის ფაქტებზეც მიმდინარეობს.

სამსახური 2023 წლის 7-9 მარტს საქართველოს პარლამენტის წინ მიმდინარე აქციის მონაწილეებს, რომლებიც უთითებენ სამართალდამცავების მხრიდან საკუთარი უფლებების დარღვევის თაობაზე, აძლევს სისხლის სამართლის საქმეებთან წვდომის და საქმის მასალების გაცნობის შესაძლებლობას.

სპეციალური საგამოძიებო სამსახური საგამოძიებო და საპროცესო მოქმედებების ჩატარებას აქტიურ რეჟიმში განაგრძობს. შესაბამისი მტკიცებულებების მოპოვების და დანაშაულში მხილებული პირების იდენტიფიცირების შემთხვევაში, სამსახური კანონით გათვალისწინებულ სამართლებრივ ღონისძიებებს გაატარებს.

ინფორმაციას სპეციალური საგამოძიებო სამსახურის საზოგადოებასთან ურთიერთობის დეპარტამენტი ავრცელებს

კომენტარები - დატოვეთ თქვენი მოსაზრება
spot_img

მსგავსი სტატიები

“ჩემი პრეზიდენტობის შედეგად საქართველოში ქვეყნის ბიუჯეტი გაიზარდა 11-ჯერ (პენსიები 10-ჯერ) ეკონომიკა გაიზარდა ოთხჯერ” –...

საქართველოს მესამე პრეზიდენტი, მიხეილ სააკაშვილი ეხმაურება სასამართლოში ე.წ. ,,პიჯაკების...

“რუსული რევანშიდან 13 წლის თავზე, რუსქოცებმა სიმბოლური 9 წელი მიუსაჯეს სააკაშვილს 9 მილიონი ლარის(!)...

,,ჭავჭავაძის კვლევითი ცენტრის” დამფუძნებელი, ზაზა ბიბილაშვილი სოციალურ ქსელში სტატუსს...

ძალადობის და სიცოცხლის მოსპობის მუქარის ფაქტზე, საპატრულო პოლიციის დეპარტამენტის პატრულ-ინსპექტორია დააკავებული

ჩატარებული გამოძიებით დადგინდა, რომ ბრალდებულმა, თანაცხოვრების პერიოდში, მეუღლის მიმართ...

spot_img

"პარალელის" გამოკითხვა

დღის პოპულარული

“მომავალში უფრო მეტი წარმატებები გვექნება ღვთის წყალობით, უფრო მეტი გამარჯვება და შევძლებთ, რომ ყოველთვის,...

ქართველი მოკრივე, გიორგი ჭიღლაძე გამარჯვების შემდეგ ჟურნალისტებთან კომენტარს აკეთებს: ,,საკმაოდ...

“ბოდიშს დიდი ძალა აქვს. მიშაზე ბევრს აქვს მოსახდელი ბოდიში. მე, ეს დიდი ხნის წინ...

პარლამენტის ყოფილი წევრი, ოპოზიციონერი პოლიტიკოსი მურმან დუმბაძე, ერთი ისტორიის...

საქართველოში 4.0 (ML) მაგნიტუდის სიდიდის მიწისძვრა მოხდა

დღეს, 2025 წლის თბილისის დროით 15:28 საათზე, თბილისიდან 63...

“დარწმუნებული ვარ, რომ ყველა პოლიტიკური პატიმარი, მათ შორის, მიხეილ სააკაშვილი, გათავისუფლდებიან ქვეყანასთან ერთად” –...

“ე.წ. მთავრობა საქართველოში ემსახურება პუტინის ინტერესებს,ამიტომ მისი ერთ-ერთი მთავარი...