დღეს, საქალაქო სასამართლოში 7-9 მარტის საპროტესტო აქციების მონაწილე, პატიმრობაში მყოფი ლაზარე გრიგორიადისის სასამართლო პროცესი გაიმართა. პროცესის პარალელურად ახალგაზრდული საპროტესტო პლატფორმის შექმნა დაანონსა ლაზარეს მამამ, ბექა გრიგორიადისმა:
,,აქ, ამ ,,თავისუფლების კარვის“ ტერიტორიაზე იქმნება პლატფორმა, სადაც ყველა ახალგაზრდას შეეძლება მოსვლა; სადაც იქნება დისკუსიები; სადაც მოიფიქრებენ იმას, თუ რყევების და არეულობის გარეშე როგორ შეიცვალოს ეს რუსული რეჟიმი“, – განაცხადა ბექა გრიგორიადისმა.
ინფორაციისთვის: ბექა გრიგორიადისმა და მის გარშემო შეკრებილმა ახალგაზრდებმა 20 ივნისს, საპროტესტო აქცია დააანონსეს:
,,20 ივნისს, ჩვენ ვაანონსებთ საკმაოდ მასშტაბურ საპროტესტო აქციას. აქციამდე, მე მინდა მოვუწოდო ყველა არასამთავრობო ორგანიზაციის, პოლიტიკური პარტიის წარმომადგენელს, მოვიდნენ და გაგვიზიარონ საკუთარი შეხედულებები“, – განაცხადა ერთ-ერთმა აქტივისტმა.
ავტორი
ნინი ხიჯაკაძე
