“მთავარი არხის” ჟურნალისტის, ბექა ყორშიას მიერ, მეცნიერებათა აკადემიის ახლადარჩეულ პრეზიდენტ, როინ მეტრეველთან მიმართებაში, მომზადებულ რეპორტაჟს ეხმაურება სახალხო დამცველი, ლევან იოსელიანი და თავის ნეგატიურ პოზიციას აფიქსირებს:
“83 წლის ადამიანს, რომ ასე მოექცევი არ არის ყველაზე საამაყო რაც შეიძლება გააკეთო, სხვა ყველაფერი მეორეხარისხოვანია“, – წერს ფეისბუქის საკუთარ გვერდზე ლევან იოსელიანი.
ინფორმაციისთვის: “მთავარი არხის” ჟურნალისტმა, ბექა ყორშიამ, სახუმარო-ირონიული რეპორტაჟი მოამზადა მეცნიერებათა აკადემიის ახლადარჩეულ პრეზიდენტ, როინ მეტრეველთან დაკავშირებით, მასთან სატელეფონო კავშირი დაამყარა და გაეცნო, როგორც მთავრობის ადმინისტრაციის თანამშრომელი, რა დროსაც თხოვნა-შეთავაზება გააჟღერა, რომ მეცნიერებათა აკადემიას პრემიერ-მინისტრ ირაკლი ღარიბაშვილისთვის აკადემიკოსის სტატუსი მიენიჭებინათ და “შეთანხმებას მიაღწია”.