“ჩვენ მაჟორიტარები არ შევეხებით 2020 წლის საარჩევნო სისტემის შეცვლას და ის დარჩება შერეული სისტემით, როგორც არის დღეს. ჩვენ, რა თქმა უნდა, პარალელურად გავაგრძელებთ მუშაობას მაჟორიტარული საარჩევნო სისტემის სასარგებლოდ ხმების მოგროვებას, 200 ათასი ხმის. ჩვენ გვაქვს ახლა უფრო მეტი დრო. შემდეგ კვირას დავარეგისტრირებთ კანონპროექტს, უფრო მეტად დახვეწილს, საინიციატივო ჯგუფთან ერთად და დავიწყებთ რეგიონებში გასვლას.
რაც შეეხება ხალხის გამოკითხვას რეფერენდუმს ან პლებისციტს, ის ჩატარდება ან 2020 წელს, არჩევნებთან დავამთხვევთ, რომ არ იყოს ზედმეტი ხარჯი და შესაძლოა ეს იყოს თვითმმართველობის არჩევნებზე, 2021-ში და შესაბამისად, როგორი იქნება ხალხის დამოკიდებულება, იმის მიხედვით გავაგრძელებთ მოქმედებას.
რაც შეეხება პარტიების წარმომადგენლების მრავალფეროვნებას პარლამენტში, ჩვენს პირველ წერილშიც გვქონდა ასეთი კომპრომისული ვარიანტი, რომ პარტიების მიერ, ამა თუ იმ ოლქში, დაყენებული ის კანდიდატები, რომლებიც იქნებიან რეიტინგულები, პერსპექტიულები და შესაძლოა მათ ჰქონდეთ მხარდაჭერა, რა თქმა უნდა, ჩვენი იქ კანდიდატს არ დავაყენებთ საპირწონედ“, – განაცხადა დიმიტრი ხუნდაძემ.