NATO-სთან მიმარეთებაში, ირაკლი ღარიბაშვილის მიერ ბრატისლავას კონფერენციაზე გამოთქმულ მოსაზრებებს და მასთან დაკავშირებით “ქართული ოცნების” ლიდერების შეფასებებს მწვავე პოზიცით, ასევე კონკრეტული ისტორიული ფაქტების შეხსენებით და განმარტებებით ეხმაურება “სტრატეგია აღმაშენებლის” გენერალური მდივანი, პარლამენტის წევრი, პაატა მანჯგალაძე:
„რუსეთისთვის NATO ზუსტად ისეთივე გამაღიზიანებელი ფაქტორია, როგორც პოლიციელი ყველა მოძალადისთვის და ამ შემთხვევაში ღარიბაშვილის, კობახიძის და მდინარაძის მავნებლურ ლოგიკას თუ გავყვებით, მსხვერპლი ახდენს მოძალადის პროვოცირებას იმით, რომ მოძალადისგან თავის დაცვას პოლიციელით ცდილობს.
სად გაიზარდეთ?! მართლა ვერ ხვდებით რას ლაპარაკობთ და როგორი რუსული საქმეა ამის საუბარი? თუ თავს ისულელებთ?!
არ გრცხვენიათ? რას ამბობთ, 1993 წელს იმიტომ შევიდნენ რუსები სოხუმში, რომ NATO-ში შედიოდა საქართველო?! საერთოდაც, სამაჩაბლოში კონფლიქტი კომუნისტების პირობებში დაიწყო რუსების პროვოცირებით, ან თუნდაც 1921 წელს ნეიტრალიტეტ გამოცხადებული საქართველოს დაპყრობა NATO-თი ,,პრავდება”?!
კარგი, ვთქვათ და სახელმწიფოებრივ წარმონაქმნზე ბრაზდება რუსეთი, საქართველოს ეკლესიის ავტოკეფალია რატომ გააუქმეს, ტაძრები რატომ გადაღებეს თეთრად და საერთოდაც, ბოლოს სამოცდაათამდე ნახევრად მოქმედ ეკლესიამდე დაიყვანეს რუსებმა, ესეც NATO-ს გამო იყო?
ქართულ ენას რატო აუქმებდნენ? ქართველ პატრიოტებს რატომ გვიკლავდნენ? რატომ მიდიოდა გამალებული რუსიფიკაცია? რომ მომავალში ნატოში არ შევსულიყავით?
რას ამტკიცებთ, თქვენი ამოცანა პუტინის გულის მოგება და არ გაღიზიანებაა, თუ საქართველოს ინტერესების გატარება? პუტინი „ნატო“-ზე მეტად გაღიზიანებულია საბჭოთა კავშირის დაშლაზე და გეოპოლიტიკურ კატასტროფას ეძახის ამას, საერთოდ არ აღიარებს ყოფილი საბჭოთა რესპუბლიკების ტერიტორიაზე შექმნილი დამოუკიდებელი სახელმწიფოების სუვერენულ უფლებას და კვლავაც რუსეთის ექსკლუზიურ გავლენის სფეროდ მიაჩნია. საერთოდ არ მოსწონს ერთიანი საქართველოს იდეა და მის ადგილზე სამ სახელმწიფოებრივ წარმონაქმნს ხედავს.
ზოგადად აღიზიანებს ქართველი, საქართველოს თავისუფლება და რა ვქნათ? დავნებდეთ და ბაბაია ვეძახოთ?! ეს არის თქვენი ქოცური პატრიოტიზმი? იმას, რასაც „ქართული ოცნების“ ლიდერები აკეთებენ, სტრატეგიული მოთმენა კი არა სტრატეგიული დათმობა და ღალატი ჰქვია!“ – აცხადებს პაატა მანჯგალაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
