უკრაინის სანქციების პორტალში ,,War & Sanction/ომი და სანქციები”, პარტია ,,ქართული ოცნების“ დამფუძნებელი, ბიძინა ივანიშვილი მოხვდა, რისი ინიციატივაც უკრაინის უმაღლესი რადას დეპუტატს, ოლექსეი გონჩარენკოს ეკუთვნის. თემასთან დაკავშირებით კომენტარს აკეთებს პარლამენტის განათლებისა და მეცნიერების კომიტეტის თავმჯდომარე, გივი მიქანაძე:
,,გონჩარენკოს ვურჩევდი, რომ თავისი ოჯახის წევრებს მიხედოს, რომლებიც კორუფციის საკითხებში არიან პირდაპირ მხილებულნი. ამაზე ცნობილი საჯაროდ გახდა.
რაც შეეხება ბიძინა ივანიშვილთან დაკავშირებულ საკითხებს – ეს არის სრული აბსურდი! მორიგი მცდელობა, რომ ბიძინა ივანიშვილის სახელი რამენაირად ამ პროცესებს დაუკავშირონ. მაშინ, როდესაც ეს ადამიანი არც პოლიტიკაში მონაწილეობს და მით უმეტეს, ამ პროცესებისგან, რა თქმა უნდა, მთლიანად გამიჯნულია.
ამიტომ ეს არის მიზანმიმართული კამპანია, ქმედება, რომელიც არ გვიკვირს ისეთი ოდიოზური ფიგურისგან, როგორიც ბატონი გონჩარენკო ბრძანდება“, – განაცხადა გივი მიქანაძემ.
ავტორი
ნინი ხიჯაკაძე
