“რადიკალური დესტრუქციული ოპოზიცია იმედგაცრუებულია, რომ “ქართულმა ოცნებამ” შეძლო ამდენი წლის მანძილზე სტაბილურობისა და მშვიდობის უზრუნველყოფა ამ ქვეყანაში” – თეა წულუკიანი

პრემიერ-მინისტრ ირაკლი ღარიბაშვილის მიერ გაკეთებულ განცხადებებს ეხმაურება მთავრობის ვიცე-პრემიერი, კულტურის მინისტრი თეა წულუკიანი და მმართველი პარტიის მიერ ქვეყანაში მშვიდობის უზრუნველყოფას უსვამს ხაზს:

“რადიკალური დესტრუქციული ოპოზიცია იმედგაცრუებულია, რომ “ქართულმა ოცნებამ” შეძლო ამდენი წლის მანძილზე სტაბილურობისა და მშვიდობის უზრუნველყოფა ამ ქვეყანაში და ომის თავიდან აცილება.

ეს ყოველ წუთიერი შრომაა პრემიერ-მინისტრის, პარლამენტის ხელმძღვანელობის და მმართველი პარტიის მხრიდან.

ეს ყოველ წუთიერი შრომა იმისთვის, რომ ომი იქნეს აცილებული თავიდან, რა თქმა უნდა, კვლავ გაგრძელდება“, – აცხადებს თეა წულუკიანი.