პარტია ,,ქართული ოცნების” აღმასრულებელი მდივანი, მამუკა მდინარაძე პოლიტიკურ შეფასებას აკეთებს იუსტიციის უმაღლესი საბჭოს წევრების არჩევის პროცესთან დაკავშირებით:
,,მოლოდინი ამ საკითხთან დაკავშირებით მათი მხრიდან, ბუნებრივია, პოზიტიური ვერ მექნება. იქიდან გამომდინარე, რომ წინა შემთხვევაშიც მათ დააყენეს 3 და შემდეგ 2 კანდიდატი ულტიმატუმის სახით.
ფაქტიურად, მათი ულტიმატუმები გულისხმობს შემდეგს, თუ ჩვენ არ ავირჩევთ მათ წარმომადგენლებს, ისინი ასეთი ორგანოს არჩევაზე პრაქტიკულად უარს ამბობენ ხოლმე. მიუხედავად იმისა, ეს ევროპულ რეკომენდაციის შეესაბამება თუ არა; მიუხედავად იმისა, პირდაპირ ემსახურება თუ არა ვეროპული რეკომენდაციის ერთ-ერთი მნიშვნელოვანი პუნქტის შესრულებას.
ევროპული რეკომენდაციის ეს პუნქტი ჩვენ მეტწილად შევასრულეთ. ძალიან კარგი იქნება, თუ ამ ყველაფერს ბოლომდე მივიყვანთ, მაგრამ რაც უკვე გაკეთდა, არის ძალიან კარგი.
ეს მათ ძალიან რომ ეწყინათ. როგორი ბულინგი მოახდინეს ერთმანეთის, რა გარჩევები ჰქონდათ საქმის ყველაზე უტიფარი მეთოდები, ამას, ალბათ, უკვე შევხედეთ”, – განაცხადა მამუკა მდინარაძემ
ინფორმაციისთვის: პარლამენტის პლენარულ სხდომაზე იუსტიციის უმაღლესი საბჭოს ვაკანტური 5 ადგილიდან 3 არასამოსამართლე წევრი აირჩა, რაშიც პარლამენტის ხუთი ოპოზიციური დეპუტატის მხარდაჭერა მოხდა.
ავტორი
ნინი ხიჯაკაძე
