პარტია ,,ქართული ოცნების” თავმჯდომარე, ირაკლი კობახიძე პოლიტიკურ შეფასებას აკეთებს რუსეთის მხრიდან სავიზო რეჟიმის გაუქმებასა და დღეს განხორციელებულ პირდაპირ ავიარეისთან დაკავშირებით მოსკოვი-თბილისის მიმართულებით. ამასთან, მმართველი პარტიის ლიდერმა, კომენტარი გააკეთა რუსეთთან დიპლომატიურ ურთიერთობების აღდგენის შესაძლებლობაზე:
,,სანქციებს, რა თქმა უნდა, ჩვენ არ ვაწესებთ.
ეს იყო ცალმხრივი გადაწყვეტილება, რომელიც რუსეთის ფედერაციამ მიიღო. შესაბამისად, შესრულდა ფრენები.
რაც შეეხება ოპოზიციის დამოკიდებულებას – ეს არის აბსოლუტურად ანტისახელმწიფოებრივი.
ჩვენ გვაქვს კონკრეტული პოლიტიკური მოცემულობა, ამ ეტაპზე, არ არის დიპლომატიური ურთიერთობები და ამ მოცემულობის მიხედვით, წარიმართება პოლიტიკური პროცესები”, – განაცხადა ირაკლი კობახიძემ.
ავტორი
ნინი ხიჯაკაძე
