შაბათი, მაისი 10, 2025
17.8 C
Tbilisi
spot_img
მთავარისაქართველოს პარლამენტიპარლამენტმა იუსტიციის უმაღლესი საბჭოს 3 ახალი წევრი ...

პარლამენტმა იუსტიციის უმაღლესი საბჭოს 3 ახალი წევრი აირჩია

პარლამენტის პლენარულ სხდომაზე, კენჭისყრის შედეგად, საქართველოს იუსტიციის უმაღლესი საბჭოს წევრებად ტრისტან ბენაშვილი 93 ხმით, გიორგი გზობავა 91 ხმით, ზურაბ გურასპაშვილი 93 ხმით აირჩიეს.

პარლამენტის შესაბამისი დადგენილებების პროექტები და კანდიდატების ბიოგრაფიული ცნობები დეპუტატებს იურიდიულ საკითხთა კომიტეტის თავმჯდომარემ ანრი ოხანაშვილმა გააცნო.

იუსტიციის უმაღლეს საბჭოს 5 წევრის ასარჩევად, გამოცხადდა კონკურსი, რომლის ფარგლებში, წარმოდგენილი იყვნენ კონკრეტული კანდიდატები. მათ იურიდიულ საკითხთა კომიტეტმა მოუსმინა. როგორც საპარლამენტო უმრავლესობის, ასევე ოპოზიციის წარმომადგენლებს ჰქონდა შესაძლებლობა დაგვესვა შეკითხვები და მიგვეღო პასუხები კონკრეტული კანდიდატის მიერ“, – განაცხადა ანრი ოხანაშვილმა.

პლენარულ სხდომაზე, იუსტიციის უმაღლესი საბჭოს წევრად არჩევისთვის 29 კანდიდატს, სათითაოდ ეყარა კენჭი, რომელთაგან საბოლოოდ 3 კანდიდატი შეირჩა.

დარჩენილ 2 ვაკანტურ ადგილზე კანდიდატის არჩევასთან დაკავშირებით მეორე ტური გაიმართება.

კენჭისყრის შედეგად, რუსუდან კვინიკაძემ 89, გოგა კიკილაშვილმა 89, ლევან ნემსაძემ 88 და ნინო ნიშნიანიძემ 87 ხმა მიიღო. პარლამენტი კენჭისყრის საფუძველზე სწორედ ამ კანდიდატებიდან შეარჩევს იუსტიციის უმაღლესი საბჭოს დანარჩენ 2 წევრს.

ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს

კომენტარები - დატოვეთ თქვენი მოსაზრება
spot_img

მსგავსი სტატიები

spot_img

"პარალელის" გამოკითხვა

დღის პოპულარული

“ეჭვი არ მეპარება, რომ ის ფსიქიატრიული კლინიკის პაციენტია” – შალვა ნათელაშვილი

"ლეიბორისტული პარტიის" თავმჯდომარე, შალვა ნათელაშვილი მწვავე პოზიციას აფიქსირებს "ქართული...

ლარის კურსი სხვადასხვა უცხოურ ვალუტასთან მიმართებაში 9-13 მაისის პერიოდისთვის

2 მაისს ბანკთაშორისი ვაჭრობის შედეგად, საქართველოს ეროვნულმა ბანკმა ლარის ახალი...