რუსეთთან პირდაპირი ფრენების აღდგენას კრიტიკული გზავნილებით პასუხობენ ევროპელი პარტნიორები. მოსალონელ შედეგებთან დაკავშირებით პოლიტიკურ შეფასებას აკეთებს საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე:
,,ძალიან მოზომილი და ასევე მკაცრი განცხადება გაკეთდა იმასთან დაკავშირებით, რომ დააკვირდებიან პროცესს. შეშფოთებულები არიან რუსეთთან პირდაპირი ფრენების აღდგენით.
თქვენ იცით, ამას წინ უძღოდა ენტონი ბლინკელის განცხადება, სადაც აშშ-ს სახელმწიფო მდივანმა პირდაპირ თქვა, რომ არ გამორიცხავენ რუსეთის ტერორიზმის სპონსპორ სახელმწიფოდ გამოცხადებას.
ანუ, რა გამოდის?! ჩვენს ხელისუფლებას უხარია ის, რომ ბავშვების მკვლელ პუტინთან, ტერორიზმის სპონსორ სახელმწიფოსთან, მსოფლიოს მიერ გამოცხადებულ რუსეთთან აღვადგენთ პირდაპირ ფრენებს?!
შეიძლება ამაში საქართველოს მოქალაქეებისთვის ევროპის, ამერიკის კარის ჩაკეტვის ფასი გადავიხადოთ“, – განაცხადა პაატა მანჯგალაძემ.
ავტორი
ნინი ხიჯაკაძე
