პარტია ,,ქართული ოცნების“ თავმჯდომარე, ირაკლი კობახიძე პოლიტიკურ შეფასებას აკეთებს სტრასბურგის სასამართლოს გადაწყვეტილებაზე, რომლის მიხედვითაც, როგორც გადაუდებელი ღონისძიება, მიხეილ სააკაშვილის საზღვარგარეთ სამკურნალოდ გადაყვანაზე უარი ითქვა:
,,ჩვენ თავიდანვე ვამბობდით, რომ სტრასბურგში ამ სარჩელს არ ჰქონდა არანაირი პერსპექტივა. ამას აქვს ერთი მარტივი მიზეზი – ხელისუფლება, შესაბამისი უწყებები და დაწესებულებები ყველაფერს აკეთებენ იმისათვის, რომ თითოეული პატიმრის უფლებები იყოს დაცული, მათ შორის, პატიმარ სააკაშვილის.
სტრასბურგმა წერტილი დაუსვა წელიწადნახევრიან კამპანიას იმასთან დაკავშირებით, რომ თითქოს მიხეილ სააკაშვილი საპატიმრო დაწესებულებაში ყოველდღიურად კვდებოდა.
ეს გადაწყვეტილება იყო აბსოლუტურად პროგნოზირებადი გამომდინარე იქიდან, რომ ხელისუფლება მოქმედებს სტანდარტების შესაბამისად“, – განაცხადა ირაკლი კობახიძემ.
ავტორი
ნინი ხიჯაკაძე
