პრემიერ-მინისტრ ირაკლი ღარიბაშვილთან მიმართებაში თავის პოზიციას აფიქსირებს პოლიტიკის მეცნიერების დოქტორი, ანალიტიკოსი ლევან ნიკოლეიშვილი და კონკრეტულ განმარტებებს აკეთებს:
“ეს უკვე მერამდენედ უხეთქავს გულს ჩვენი პრემიერი, ირაკლი ღარიბაშვილი ოპონენტებს, თავისი სიმართლითა და პირდაპირობით. თან ამ სიმართლეს ყოველთვის ახლავს ფაქტები:
ფაქტია, რომ ევროკავშირს, აშშ-სა და რუსეთს შორის სავაჭრო ბრუნვა 2022 წელს რამდენიმე მილიარდი ევროთი და დოლარით გაიზარდა. ასევე ფაქტია, რომ ევროკავშირისა და აშშ-ს სავაჭრო ბრუნვა რუსეთთან 110-ჯერ აღემატება საქართველოს სავაჭრო ბრუნვას რუსეთთან! ამ დროს ქართველი თუ უცხოელი ოპონენტები რას ითხოვენ უნდა გავჩერდეთ, თვით დაზარალების რეჟიმში უნდა გადავიდეთ, ხოლო დანარჩენებმა ვისაც უნდა რა აკეთონ, ოღონდ არ მოშივდეთ და არ შესცივდეთ (რამე ხომ არ გამომრჩა ნავთობპროდუქტები კვლავ შედის ხომ რუსეთიდან ევროპაში?).
რაც შეეხება უვიზო რეჟიმს, ნუ გვავიწყდება საქმე ეხება 1 მილიონ საქართველოს მოქალაქეს. ხოლო ფრენების აღდგენას რუსეთ საქართველოს შორის, თუ არა სანქცირებული ავია კომპანიები იფრენენ, ჩვენ რა ვქნათ, ჩვენ დავასანქციროთ?
დიდი დაკვირვება არ ჭირდება იმის მიხვედრას, რომ ყველაზე უფრო, რაზეც ნერვები ეშლებათ და აღიზიანებთ, არის ის, რომ არცერთ საერთაშორისო სამართლებრივ ნორმას არ ვარღვევთ, ყველა საერთაშორისო ფორუმისა თუ სამშვიდობო ინიციატივის მონაწილეები ვართ (ერაყსა და ავღანეთში პირველები თუ არა მეორეები ვიყავით!)! ევროატლანტიკური ინტეგრაცია კი საერთოდ კონსტიტუციაში ჩავწერეთ. უბრალოდ ძალიან საეჭვოდ არ მოსწონთ ის, რომ დღიდან დამოუკიდებლობის აღდგენისა, ყველაზე უფრო მეტად დღევანდელი ხელისუფლება იბრძვის სუვერენიტეტისა და ეროვნული იდენტობის შესანარჩუნებლად!” – წერს ფეისბუქის პირად გვერდზე ლევან ნიკოლეიშვილი.