მედიაში გასულ რეპორტაჟს, ოკუპირებული აფხაზეთის ტერიტორიიდან საქართველოში რუსი კრიმინალური ავტორიტეტის შემოსვლასთან დაკავშირებით, ეხმაურება საქართველოს პარლამენტის წევრი, პაატა მანჯგალაძე და ირონიანარევ შეფასებას აკეთებს თბილისის მერის, კახა კალაძის მიმართ, კრიმინალურ ავტორიტეტებთან კონტექსტში:
,,ჩვენთვის ახალი ამბავი არ არის, კრიმინალებთან დაკავშირებით. განსაკუთრებით, კალაძეს უყვარს, სულების მიხედვით ითვლის, როგორც ნამდვილი ქურდული ტრადიციაა – როგორ ჩაიხუტა კალაძე შვიდმა სულმა ქურდმა, ამით ამაყობდა.
ქურდების, ძველი ბიჭების, კრიმინალების ჩახუტება გრძელდება.
ეს რატომ სჭირდებათ?! – იმიტომ, რომ ,,ქართული ოცნების“ აგიტატორები, მოსყიდულ ადამიანებთან ერთად, ძირითადად არიან ეს კრიმინალური ავტორიტეტები და ამისთვის სჭირდებათ, რუსულად რომ ვთქვათ – ,,პალაჟენიის“, ანუ ,,წესრიგის“ დასამყარებლად“, – განაცხადა პაატა მანჯგალაძემ.
ავტორი
ნინი ხიჯაკაძე
