“მივესალმები დავით არახამიას და წარმატებებს ვუსურვებ ორივე სამშობლოს გადარჩენის საქმეში” – ნიკა გვარამია

უკრაინის უმაღლესი რადას ფრაქცია “ხალხის მსახურის” თავმჯდომარის, დავით არახამიას მიერ სოციალურ ქსელში საქართველოს ხელისუფლებასთან მიმართებაში დაფიქსირებულ კრიტიკულ პოზიციას, საპატიმროდან ეხმაურება “მთავარი არხის” გენერალური დირექტორი

“დიახ, ყველა ქართველს, მით უფრო, აფხაზეთიდან დევნილს, არათუ უფლება, ვალდებულება აქვს საქართველოს გადარჩენისთვის ყველაფერი გააკეთოს. ამ გზაზე თითოეულმა უნდა გამოიყენოს მის ხელთ არსებული ყველა შესაძლებლობა, მიმართოს ყველა შესაძლო თუ თითქოს შეუძლებელ ფორმას საკუთარი პატრიოტული მიზნების განსახორციელებლად.

მივესალმები დავით არახამიას და წარმატებებს ვუსურვებ ორივე სამშობლოს გადარჩენის საქმეში. აქვე, მადლობას ვუხდი ჩემი პოლიტიკური პატიმრობის თაობაზე გაკეთებული შეფასებისთვის.

ჩემთვის, როგორც აფხაზეთიდან დევნილისთვის, მეორე დევნილის მხარდაჭერა განსაკუთრებით მნიშვნელოვანია,” – წერს ნიკა გვარამია, #212 საკნიდან და ქვეყნდება ფეისბუქის მის პირად გვერდზე.