,,ერთიანი ნაციონალური მოძრაობის“ თავმჯდომარე, ლევან ხაბეიშვილი პარლამენტში გამართულ საგანგებო ბრიფინგზე მმართველ პარტიას ახსენებს დანაპირებს ელექტროენერგიის ტარიფის შემცირებასთან დაკავშირებით და მოითხოვს, რომ, ლართან მიმართბაში დოლარის კურსის შემცირების გათვალისწინებით, არსებული ტარიფის მაჩვენებელი დაუბრუნდეს მინიმუმ 2019 წლის ნიშნულს:
,,ქართული ოცნება“ და ბიძინა ივანიშვილი საზოგადოებას 2012 წელს დაპირდა, 11 თეთრი რომ ღირდა ელექტროენერგია – განახევრდებოდა და 5-6 თეთრი გახდებოდა. ამასობაში 2023 წელია და ყველაზე იაფი დენი 7 თეთრით არის გაძვირებული.
,,ნაციონალური მოძრაობა“ ელექტროენერგიის ტარიფის სასწრაფოდ დაწევას ითხოვს და მინიმუმ 2019 წლის მდგომარეობას გაუთანაბრდეს.
თუ ამას არ გააკეთებენ, ამასობაში ,,ნაციონალური მოძრაობა“ საპარლამენტო ბერკეტს გამოიყენებს და დავით ნარმანიას – ,,სემეკის“ კორუმპირებულ, ქურდ, მძარცველ კაცს, რომლის ხელფასი 15 ათასი ლარია თვეში, პარლამენტში დავიბარებთ, რომ საზოგადოებას პასუხი გასცეს“, – განაცხადა ლევან ხაბეიშვილმა.
ავტორი
ნინი ხიჯაკაძე
