საქართველოს პრემიერ-მინისტრი, ირაკლი ღარიბაშვილი უნგრეთში კონსერვატიული პოლიტიკური მოქმედების ყოველწლიურ კონფერენციაში (CPAC) იღებდა მონაწილეობას, რასაც ევროპარლამენტარების მხრიდან, მათ შორის სოციალისტების ფრაქციიდან, კრიტიკული შეფასებები მოჰყვა. ამასთან დაკავშირებით ჟურნალისტებთან კომენტარი გააკეთა პარლამენტის საგარეო ურთიერთობათა კომიტეტის თავმჯდომარემ, პარტია ,,ქართული ოცნების“ პოლიტიკური საბჭოს წევრმა ნიკოლოზ სამხარაძემ:
,,ჩვენ არანაირი ევროპული ოჯახიდან არ გაგვრიცხავენ, თუმცა არ ვიცი, საერთოდ, ღირს თუ არა ასეთ ჯგუფში დარჩენა, თუ კონფერენციაში მონაწილეობას შენივე პოლიტიკური ჯგუფი გიკრძალავს?!
იქ არაფერი ისეთი არ თქმულა, რაც სოციალ-დემოკრატებისთვის მიუღებელი შეიძლება იყოს.
მაშინ თვითონ სოციალისტები როგორ თანამშრომლობენ, იგივე იმ ადამიანებთან ან უნგრეთში, ან ამერიკის შეერთებულ შტატებში, რომლებიც იმ კონფერენციაზე გამოდიოდნენ?!
არ გვაქვს ფუფუნება, რომ ვარჩიოთ ქვეყნები, ვისთან ვიმეგობროთ და ვისთან არ ვიმეგობროთ. ჩვენ უნდა ვიმეგობროთ [ევროკავშირის] 27-ვე ქვეყანასთან“, – განაცხადა ნიკოლოზ სამხარაძემ.
ავტორი
ნინი ხიჯაკაძე
