საქართველოს პარლამენტის წევრი, პაატა მანჯგალაძე განცხადებას აკეთებს საარჩევნო ბარიერის დაწევაზე მმართველი პარტიის დაპირების უარყოფასთანდაკავშირებით:
,,ჩვენ წავუყენეთ ახლა თურმე ულტიმატუმი ევროპას, რომ თუ გინდა 12-პუნქტიანი რეკომენდაცია შევასრულოთ და მათ შორის, შარლ მიშელის დოკუმენტის 2%-იანი ბარიერის დაპირება, მოდი – ჯერ კანდიდატის სტატუსი მომეცი.
თუ კანდიდატის სტატუსს მოგვცემენ, ასეთი კითხვა უნდა დავსვათ, რაც კობახიძემ თქვა – აპირებენ თუ არა ამ დემოკრატიული რეფორმის ჩატარებას, რომელიც პირველი მოსმენით გვაქვს მიღებული?! – ისედაც აქვს ,,ქართულ ოცნებას“ ვალდებულება, რომ ეს გააკეთოს.
იცით რას ჰგავს ,,ქარული ოცნების“ ქმედება? – ძალიან ცუდი შედარებაა, მაგრამ უნდა ვთქვა. თუ კარგად მოიქცევი წყალს ჩაგისხამ ჭიქაში. უკვე მაგასაც არ ამბობენ. გინდა კარგად მოიქეცი, გინდ ცუდად – მაინც არ ჩაგისხამთ წყალსო“, – განაცხადა პაატა მანჯგალაძემ.
ავტორი
ნინი ხიჯაკაძე