ველური ბუნების ეროვნული სააგენტოს მორიგი საინტერესო მასალა საქართველოს ფაუნასთან დაკავშირებით – გაიცანით კრწანისის ტყეპარკის მობინადრე ფრინველი ჩხიკვი.
ჩხიკვი (Garrulus glandarius) ზომით ჭუკის ხელაა, აქვს ღია ბუმბული და საკმაოდ გრძელი კუდი. მისი ტანის ფერი ჟღალი-ყავისფერია, ფრთები, კუდი და თავის ზედა ნაწილი შავი, მხრის ფრთები ღია ცისფერი შავი ზოლებით, კუდის ზედა ნაწილი კი თეთრი.
იგი გავრცელებულია თითქმის მთელ ევროპაში, ჩრდილოეთ აფრიკაში, მცირე აზიაში, კავკასიაში, ყირიმში, ჩრდილოეთ ირანში, ციმბირის სამხრეთ ნაწილში, კორეაში, ჩინეთსა და იაპონიაში.
ჩხიკვი იკვებება როგორც მცენარეებით, ისე ცხოველური საკვებით. ევროპული ქვესახეობები იკვებებიან რკოთი. აგრეთვე იკვებებიან სხვადასხვა მარცვლეულით, ხვლიკებით, ბაყაყებით, სხვა ჩიტებით, მაგალითად ბეღურებით.
