პატიმრობაში მყოფი ტელეკომპანია “მთავარი არხის” გენერალური დირექტორის ნიკა გვარამიას გზავნილები ვრცელდება, ფეისბუქის მისი საკუთარ გვერდის მეშვეობით, მიმდინარე პოლიტიკურ პროცესებსა და სტრასბურგის გადაწყვეტილებასთან დაკავშირებით გაკეთებული შეფასებებით:
“ომი საქართველოს არ დაუწყია! ეპიზოდი მესამე.
ყველას გილოცავთ ამ ისტორიულ გამარჯვებას! განსაკუთრებით, იუსტიციის სამინისტროს ყველა იმ თანამშრომელს, ვინც დღეებს და ღამეებს ასწორებდა ამ შედეგის მისაღწევად, რომელი ხელისუფლების დროსაც არ უნდა ყოფილიყო ეს!
P.S სამარცხვინო და ტრაგიკულია, რომ საქართველოს მხარდაჭერა არ მიუღია უკრაინელი ბავშვების გენოციდის შესახებ ევროსაბჭოს რეზოლუციას! ჩვენი ხელისუფლება არა მარტო ეროვნულ ინტერესებს ღალატობს, არამედ საკაცობრიო იდეალებსაც! ჩვენი ქვეყანა არაა სიკეთის მხარეს, ის ბოროტების ნაწილად აქციეს. მიკიბვ-მოკიბვის გარეშე უნდა ითქვას, რომ თუ ჩვენ ამას ვეგუებით ან ამ რეალობას ვერ ვცვლით, არანაირ სტატუსს არ ვიმსახურებთ. ნურც თავს მოვიტყუებთ და ნურც ერთმანეთს მოვატყუებთ“, – აცხადებს ნიკა გვარამია.
