“პოლიტიკოსების მოწონების რეიტინგზე ერთი სასაცილო ისტორია მახსენდება ჩემი პრაქტიკიდან…” – იაგო კაჭკაჭიშვილი

სოციოლოგიური კვლევების ჩატარებისას, ფოკუსჯგუფებთან მუშაობის პრაქტიკიდან, სახალისო ისტორიას იხსენებს სოციოლოგიის დოქტორი იაგო კაჭკაჭიშვილი:

“პოლიტიკოსების მოწონების რეიტინგზე ერთი სასაცილო ისტორია მახსენდება ჩემი პრაქტიკიდან: წლების წინ, ფოკუს ჯგუფში ერთმა შუა ხნის ქალმა თქვა, ყველაზე მეტად ირაკლი ალასანია მომწონს პოლიტიკოსებშიო. მოდერატორმა ჰკითხა, რატომო და ქალი პასუხობს, ძალიან უხდება, ხალი რომ აქვს ტუჩთანო.🙂

ანუ, ძალიან რელატიური რამეა ეს “მოწონება” – კაცმა არ იცის, რა განაპირობებს და, პირიქით, რაში კონვერტირდება.

ჩვენ კი გვგონია, როცა პოლიტიკოსები მოსწონთ, ისინი სწორედ როგორც პოლიტიკოსები მოსწონთ. არ არის ასე!🙂” – წერს ფეისბუქის პირად გვერდზე იაგო კაჭკაჭიშვილი.