“ქართული ოცნების” თავმჯდომარესთან მიმართებაში მძიმე, მწვავე პოზიციას აფიქსირებს “ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა:
“ოპოზიციას სამართლებრივად აქვს უფლება საგამოძიებო კომისიის შექმნის, მაგრამ კობახიძე ბრძანებს, რომ “ნაც. მოძრაობას” ამის მორალური უფლება არ აქვს და შესაძლებლობას არ მივცემთო.
გაუგონარი და წარმოუდგენელი განცხადებაა დასავლეთში “განსწავლული” იურისტისაგან.
ერთი წუთით წარმოიდგინეთ, კობახიძემ გადაწყვიტოს, რომ ხელისუფლებისადმი კრიტიკულად გაწყობილ მოსახლეობას მორალური უფლება არ აქვთ არსებობის, რა მოხდება, რა შეაკავებს ამ ადამიანს და მის მხარდამჭერებს?
საერთაშორისო საზოგადოების აზრი ამათთვის არ არსებობს, სამართალი და კანონი მარტო ოპონენტებისთვის აქვთ და ბოდვითი აშლილობიდან ჰალუცინაციური აშლილობის სტადიაზე რომ გადავა, თავი როგორ უნდა დავიცვათ, ვინმეს წარმოდგენა გაქვთ მაინც?” – წერს ფეისბუქის პირად გვერდზე ლელა ჯეჯელავა.
