,,ღია საზოგადოების ფონდის” ლიდერობით, 8 ორგანიზაციამ მოამზადა შეფასების დოკუმენტი – სტატუსმეტრი, სადაც საუბარია, თუ როგორ მიდის საქართველოში ევროკომისიის 12 რეკომენდაციის შესრულება. მართლმსაჯულების რეფორმასთან დაკავშირებით კომენტარი გააკეთა ორგანიზაცია ,,სასამართლოს გუშაგის” დამფუძნებელმა, ნაზი ჯანეზაშვილმა:
,,სასამართლოსთან დაკავშირებით, მოგეხსენებათ, სიტუაცია საკმაოდ მძიმეა. მე-3 პუნქტი ეხება მართლმსაჯულების რეფორმას, მათ შორის, იუსტიციის უმაღლესი საბჭოს რეფორმას.
ასევე, საუბარია, რომ ვენეციის კომისიის რეკომენდაციები მაქსიმალურად უნდა იქნეს გათვალისწინებული. ამავდროულად, ეს უნდა იყოს ინტენსიური პროცესი, სადაც სამოქალაქო საზოგადოება თუ ექსპერტთა ჯგუფი იქნება ჩართული. თუმცა, ეს ასე არ მოხდა.
სამწუხაროდ, ის მოლოდინი, რაც გვქონდა, როგორიც იყო თუნდაც სტრატეგიული გეგმის მომზადებაში, რომელიც მართლმსაჯულების სამომავლო ხედვებს უნდა განსაზღვრავდეს, არ იყო ასევე ჩართული. მიუხედავად იმისა, რომ ჩვენ წარსულში გვაქვს ასეთი გამოცდილება, როდესაც სტრატეგიული გეგმა სხვადასხვა ორგანიზაციების, სახელმწიფო თანამდებობის პირების, მათ შორის არის მოსამართლეები, ასევე სხვების მეშვეობით იქნა შემუშავებული.
საერთო დისკუსიაც არ ყოფილა, თუ როგორი უნდა იყოს იუსტიციის უმაღლესი საბჭოს რეფორმა და რა ხედვები აქვს ხელისუფლებას ამასთან დაკავშირებით, ჩვენ არ ვიცით.
ამავდროულად საინტერესოა ის, რომ ვენეციის კომისიის რეკომენდაციები არის მომზადებული. ეს დადებითად შეიძლება შევაფასოთ, რომ ხელისუფლებამ, პარლამენტმა გააგზავნა კანონპროექტი ვენეციის კომისიაში, თუმცა პრობლემა ის არის რომ ბოლო ორი დასკვნა იმეორებს [გადაუჭრელ] საკითხებს”, – განაცხადა ნაზი ჯანეზაშვილმა.
ავტორი
ნინი ხიჯაკაძე
