ოპოზიციის ინიციატივა, სასამართლო სისტემაში კორუფციული და სხვა კანონსაწინააღმდეგო ქმედებათა შემსწავლელი დროებითი საგამოძიებო კომისიის შექმნაზე, საპარლამენტო სესიაზე მეორედ ჩავარდა. საპარლამენტო უმრავლესობამ რეგისტრაცია არ გაიარა და კენჭისყრის წინ ქვორუმი არ შედგა. აღნიშნულ ფაქტთან დაკავშირებით ჟურნალისტებთან კომენტარი გააკეთა ,,სტრატეგია აღმაშენებლის” თავმჯდომარემ, პარლამენტის დეპუტატმა გიორგი ვაშაძემ:
,,ეს არის ერთიანობის ძალა! მართლაც, კონსოლიდირებული ოპოზიცია და უკვე ორგზის დამარცხებული ,,ქართული ოცნება”, რომელიც საქართველოს ევროინტეგრაციას პირდაპირ საბოტაჟს უცხადებს.
ევროკავშირის კანდიდატის სტატუსი და წევრობა ნიშნავს, მათ შორის, საპარლამენტო პროცედურების პატივისცემას უმრავლესობის მხრიდან. ისინი ამას უცხადებენ ბოიკოტს!
რატომ აკეთებენ ამას? სასამართლო კლანს ბოლომდე გადაეფარნენ!”, – განაცხადა გიორგი ვაშაძემ.
ავტორი
ნინი ხიჯაკაძე
