“ვირს კრიალოსანზე კომისიას არ შევაქმნევინებთ” – ირაკლი კობახიძე

პარტია ,,ქართული ოცნების” თავმჯდომარე, ირაკლი კობახიძე კომენტარს აკეთებს ოპოზიციის ინიციატივაზე, მოსამართლეებთან დაკავშირებით საგამოძიებო კომისიის შექმნის საკითხზე:

,,ჩვენ მზად ვართ, ნებისმიერ თემასთან დაკავშირებით, განვიხილოთ საგამოძიებო კომისიის შექმნა, მაგრამ ვერავითარ შემთხვევაში ვერ განვიხილავთ კოლექტიური ,,ნაცმოძრაობის” მიერ კომისიის შექმნას სასამართლოსთან დაკავშირებით.

ვირს კრიალოსანზე კომისიას არ შევაქმნევინებთ. ეს არის ჩვენი პრინციპული პოლიტიკური პოზიცია”, – განაცხადა ირაკლი კობახიძემ.

ინფორმაციისთვის: გუშინ, პარლამენტში პლენარულ სხდომაზე საგამოძიებო კომისიის შექმნასთან დაკავშირებით კენჭისყრისთვის ქვორუმი არ შედგა – საპარლამენტო უმრავლესობამ რეგისტრაცია არ გაიარა.

ავტორი
ნინი ხიჯაკაძე