ველური ბუნების ეროვნული სააგენტო მორიგ საინტერესო ინფორმაციას ავრცელებს:
კრწანისის ტყეპარკში სამხრეთული ბულბული (Luscinia megarhynchos) შევნიშნეთ, რომელიც მობუდარი გადამფრენი ფრინველია.
მისი სხეულის ზედა ნაწილი მოყავისფროა, კუდი და კუდზედა მფარავი ბუმბულები კი მკვეთრი წაბლისფერია.
სამხრეთული ბულბული გავრცელებულია დასავლეთ და სამხრეთ ევროპაში, ჩრდილო-აღმოსავლეთ აფრიკაში და წინა და შუა აზიაში. საქართველოში გვხვდება აპრილიდან სექტემბრამდე.
იგი ბინადრობს ბუჩქნარში, წყაროების, მდინარეების ნაპირებზე, ტყისპირებში, მთის ფერდობებზე და ბაღებში; უყვარს წყლის სიახლოვეს ყოფნა. მაისის ბოლოს დებს 4-5 კვერცხს, კრუხობა კი 2 კვირამდე გრძელდება. სამხრეთული ბულბული იკვებება მწერებით, იშვიათად კენკრით.
კომენტარები - დატოვეთ თქვენი მოსაზრება