პარლამენტი დეოლიგარქიზაციის კანონპროექტებს განიხილავს. მოლოდინებთან დაკავშირებით პოლიტიკურ შეფასებას აკეთებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე:
,,თვითონ ღარიბაშვილი ანუ მთავრობა წყვეტს ვინ არის ოლიგარქი, წარმოგიდგენიათ?! ის ხომ ბიძინა ივანიშვილზე არსადროს არ იტყვის, რომ ოლიგარქია! დანარჩენი – ბიძინას გარდა, ყველა არის ოლიგარქი. ასეთი კანონია.
ამ ხალხს შეუძლია თავზე ხელი აიღოს და თქვან: ბიძინა კი არ არის, ბიძინას ბეზრაა.
რაც შეეხება ,,ნაციონალური მოძრაობის” ინიციატივას – იქ არის კრიტერიუმები. ,,ენმ”-ს ინიციატივას, რა თქმა უნდა, ჩააგდებენ. იმიტომ, რომ იქ პირდაპირ არის მექანიზმები ახსნილი, თუ როგორ და რანაირად ხდება – მთავრობა კი არ იღებს გადაწყვეტილებას, არამედ საკონსტიტუციო სასამართლო.
თუმცა, ესეც რისკის შემცველია. ოლიგარქია ნიშნავს იმას, რომ საკანონმდებლო, აღმასრულებებლი და სასამართლო ხელისუფლება ჯიბეში უდევს“, – განაცხადა პაატა მანჯგალაძემ.
ავტორი
ნინი ხიჯაკაძე
