,,ლეიბორისტული პარტიის” თავმჯდომარე შალვა ნათელაშვილი საგანგებო ბრიფინგზე განცხადებას აკეთებს აშშ-ის მთავრობის გადაწყვეტილებაზე, რომლის მიხედვითაც საქართველოს სასამართლო ხელისუფლების 3 მოქმედ და ერთ ყოფილ მოსამართლეს სანქციები დაუწესდა:
,,ძვირფასო მეგობრებო, აღსრულდა ის რისთვისაც ,,საქართველოს ლეიბორისტული პარტია” 10 წლის განმავლობაში იბრძოდა – დაიწყო ივანიშვილის ოლიგარქიული რეჟიმის სანქცირება და შესაბამისად, ჩამოშლა! რიგში დგას კორუმპირებული, პრორუსული ოლიგარქიული მთავრობის წევრები და ე.წ. კრიმინალი საპარლამენტო უმრავლესობა.
დღეს ისტორიული დღეა. არ ვნანობთ, რომ ამ დღის მოსაახლოებლად პარტიამ ძალიან ბევრი რამ გაიღო. ჩვენ ფაქტიურად თავი გავწირეთ, თავი დავისანქცირეთ. ყველაფერზე წავედით იმისათვის, რომ ქვეყანა ყოფილიყო გამარჯვებული და არა კონკრეტული პიროვნება, პარტია თუ რაღაცა ინტერესი.
მე მოვუწოდებ საპარლამენტო ოპოზიციას – მოითხოვეთ ვადამდელი არჩევნები, სანამ დაგასწრებდეთ რეჟიმი ამის მოთხოვნას და ჩატარებას.
ვიმეორებ, ეს არ გახლავთ 4 მოსამართლის სანქცირება, არამედ ეს არის რეჟიმის სანქცირების დასაწყისი. მე მინდა ქართველი ხალხის სახელით უდიდესი მადლობა გადავუხადო აშშ-ის მთავრობას, პრეზიდენტ ბაიდენს, სახელმწიფო მდივან ენტონი ბლინკენს, რომლებიც ამ კრიტიკულ ჟამს, როცა წყდებოდა საკითხი ვინ ვის – დადგნენ ქართველი ხალხის, ქართული სახელმწიფოებრიობის მხარეზე. დაიწყო ივანიშვილის რეჟიმის აგონია“, – განაცხადა შალვა ნათელაშვილმა.
ავტორი
ნინი ხიჯაკაძე
