,,ქართული ოცნების“ თავმჯდომარე ირაკლი კობახიძე ჟურნალისტებთან კომენტარს აკეთებს ,,უცხოური გავლენის აგენტების რეესტრის“ კანონპროექტის შესახებ და აცხადებს, რომ რუსულ ანალოგიურ კანონთან მას რაიმე თანაკვეთა არ ჰქონია.
,,არავითარი საერთო მას არ ჰქონდა რუსულთან. თუ კი რაიმე ჰგავს რუსულ კანონს, ეს არის სწორედ ამერიკული ,,ფარა”. ასევე, ევროკავშირში ინიცირებული კონკრეტული დოკუმენტი, რომელიც ,,ფარას” ანალოგია, მსგავსად კანადა, დიდი ბრიტანეთი და ა.შ.
თუ კი რაიმე წააგავს რუსულს, უფრო სწორად რუსული წააგავს ,,ფარას“. შესაბამისად, დანარჩენი დოკუმენტებიც წააგავს რუსულ კანონს.
რაც შეეხება ქართულ დოკუმენტს – ის არ ითვალისწინებდა არავითარ შეზღუდვებს, პირიქით – პირველივე მუხლში ეწერა, რომ კანონით შეუძლებელი, დაუშვებელი იყო რომელიმე ორგანიზაციის საქმიანობის შეზღუდვა. აქედან გამომდინარე, დასკვნებს საზოგადოება გამოიტანს“, – განაცხადა ირაკლი კობახიძემ.
ავტორი
ნინი ხიჯაკაძე
